流水帳, 幾段

- 好幾個月冇新post，其實我有keep住寫，不過唔係呢個地盤，又唔想一雞兩味，所以就停左嚮四月，希望黎緊會密d update

- 6月同一眾好友去左東京同大阪,日日都裙拉褲甩、趕頭趕命!不過，可以放低工作，每日都係行行行、食食食、玩玩玩，好耐都冇試過可以玩得咁盡情！好開心！多謝安排行程既幾位美女、同行成日幫手攞野同影相既壯男，有你地先會日日不停笑，有你地日本既風景變得更靚，有你地個行程先至更精彩！

- 多謝大師兄!去完旅行之後做左d決定，雖然事唔成，不過我衷心多謝你既幫忙，我真係覺得識到你，我真係有賺！我唔敢講個決定一定係最好，但係我會盡力！

- 森柏斯嚮我心目中依然係最勁！！！！！

- 奧雲，你真係唔好返晏菲路，我地噓爆你呀！！！！！！！！！！！老實講，你去車路士或者阿仙奴大家個感覺應該好d架喎...你...冇野呀?

- 請問，由幾時開始，日蝕變左日食架?

立立雜

過了一個悠閒既復活節假期。

上星期五與一眾完成我地Q1去塔門大旅行既目標。上次因為落雨而推遲既大旅行終於順利完成。
船程比我預期長，不過，唔拋，完全冇想嘔既感覺。
島上面都係一d小店，食物味道嘛...普通啦，不過有一份鄉村既味道，同埋果d人情味
我最最enjoy島上面果份悠閒同自在呀!
山上既風景好靚呀...如果有埋藍天就更好
不過我唔明邊度黎咁多牛架...一路行一路行，沿路所見有接近２０隻嚮山上食草...可以想像，我地梗係一步一驚心啦...更唔明點解仲有咁多人嚮度露營??真係好多牛屎呀大佬，你地點訓覺呀??
親親大自然，最重要係同一眾友好相聚，梗高興啦...


"You're right, Norah, anything can happen, any time. But rest of your life tiptoeing around to try and avert disaster. It won't work. You'll just end up missing the life you have."
我現在在看這本書，"The Memory Keeper's Daughter"


參加左酒行，出席人士嚮限時之內可以喺21間餐廳/酒吧各試飲紅白酒一杯...即係最多total可以飲42杯!!我覺得，ak去最啱!!仲有篤篤篤撐...hahahaha，發現除左一d sparkling係冇咁苦，可以飲到之外，其他多數都"苦過dee dee"呀，大佬點飲呀?!?!我都係飲返汽水算啦...仲有仲有...我覺得唔飲酒唔食煙，其實真係已經慳返好多喎...

joyce

今天路過中環，驚鴻一瞥，有句promotion slogon：

Dream Bigger,
Live Harder,
Love Deeper.

即係...
幾大先算夢想呢?
幾用力先叫活在當下?
幾愛先叫愛呀?

Commitment

新年伊始，借on dog哥哥一句，祝大家年關勁過！

09年，暫時未諗一d具體既目標，不過，我已經 make左一個commitment:

呢個commitment，唔洗錢、又唔洗花好多時間；

一個簡單既動作，你就幫到人，幫到人地一家；

唔到死果日，你個commitment都唔洗對現;

人都死左，仲可以做d咩？

梗係仲有d野可以做啦...

咁著數，快d去呢度登記器官捐贈啦!

澳門行

閏一秒

from yahoo news:

地球自轉慢 今年閏一秒

　　二○○八年的日子似乎因為金融海嘯而變得特別「難過」，有美國媒體報道，國際計時組織指出，將會在今年最後一日，增加一「閏秒」，在美國東部時間晚上十一時五十九分五十九秒時增加，主要是讓原子鐘與稍微放慢的地球轉動保持同步，對上一次要增加一秒，就是○五年的事。
　　美國媒體報道，「閏年」與「閏秒」情形相似，每隔幾年就要在原子計時鐘上增加一秒，以補足與地球自身旋轉時間的時差。據報道指出，從一九七二年開始，國際協議建立了時間標準，分別是世界時和原子時，由於地球的旋轉正在逐漸減慢，令在地球轉動為基礎的世界時有時會跟不上原子時，所以國際不時地增加閏秒，以保持世界時與原子時的一致，由國際地球自轉服務組織負責監控兩個時間體系的差異。
　　閏秒亦增加過幾次，每次相隔由六個月至七年不等，最近一次是在○五年十二月三十一日，今年在十二月三十一日晚上十一時五十九分五十九秒增加。由於今年二月二十九日已延長了一日，如果再加一秒，就是九二年以來最長一年。大部分手機供應商和電腦系統都是通過世界原子鐘進行系統檢查，自動更正時間增加一秒。


大部分手機供應商和電腦系統都是通過世界原子鐘進行系統檢查，自動更正時間增加一秒。 即係我部電話今年年尾會自動延長一秒先跳入09年？唔係嘛...咁先進??

呢段新聞，又令我諗起世界其他地方有分夏令、冬令時間，其實佢地點運作架？某月某日一齊"較"快或者"較"慢一個鐘？定係你有你"較"、我有我"較"？邊個決定幾時"較"個鐘呀？咁果d飛機升降呀、需要分分秒秒計得好準確果d人點算呀？無la la多左個鐘呀？咁咪好混亂？

又一年

2008 resolutions有：

身體健康......麻麻地啦，可能係年紀越黎越大，傷風感冒果d小毛病越黎越多
更愛自己......有
智慧有所增長......其實應該點去measure呢?!
親人、朋友、blogger都身體健康；生活愉快......應該都有
有一個我愛既人都一樣愛我...... ......
工作同生活取得更好的平衡......輸晒呀
take一個純粹為興趣既course...... ......
升職加人工......原來有講過呢樣架?!

一半都做唔到喎...
2009應該set一d容易achieve既目標