回應這裡，一文兩用，又貼在這裡
其實我係一個好在意其他人對自己睇法既人，如果有人同我講，我覺得你點點點、咁咁咁...我又真係會返去係咁諗爆頭...呀...其實我係咪真係咁架呢？點解我會咁咁咁呢？其實我咁做既理由係咩咩咩呢？...
但係人越大，我越發覺自己唔係單純得一面，應該話，唔會、唔可以只得一面...撞過太多次板啦...呢樣野，要努力再做好d...不過係後話，以後再講
老細話我唔夠自信；
同事話我太串；
朋友話我太天真；
喜歡的人話我小女人；
blog友梗係話我行蹤飄忽啦
等等...
大多數時候，人地既說話，我都覺得係金石良言，唔係都唔會係咁諗啦...但係，其實佢地每個人講嘅，都可能係佢地認識既我，我眾多「個性」之中既其中一個我，但係又可能只係我project係佢地面前，我想佢地睇到既我黎架咋...
呢d睇法，可能好啱，但又可能未必係最真實既我，又或者只係reflect我自己project既映像，咁，又有冇需要去用人地既睇法，去evaluate自己呢？會唔會，最終，都係應該問自己，想點去對待一d人，一d事呢？對住其他人，可以講大話，對住自己，點都呃唔到自己架，係咪？
afterall，應該都要靠自己既感覺去做人架，係咪？聽人地講，不如聽自己個心講啦
11 則留言:
業精於勤荒於嬉
行成於思毀於隨
豬妹，努力！
碧，
【人鏡】同【心鏡】就系將眾多「個性」之中的我，組成一個完整的我。
人一般在意別人對自已的批評，但只要懂得過濾，唔需要太介意。否則負擔太重。
當人年紀越大，心鏡同人鏡都會變得模糊，乜都照唔到入去。，除左骨頭同把口硬之外，人老左，最硬就系個腦。
cm哥哥
全收!多謝!
大師(我跟samsara一樣叫你,可以嗎?)
人一般在意別人對自已的批評，但只要懂得過濾，唔需要太介意。否則負擔太重。>>>
同意呀
我越黎越覺得,太過相信,take-in別人既說話、批評,就越唔懂得appreciate自己
唔係要全世界以自己為中心,不過,就算我唔夠好,只要我自己feel alright就冇問題啦,冇需要為左別人而去改變架...除非我都覺得應該去改啦...
P.S.你好勁呀!不愧係大師呀!!
P.S.S. 你個layout好靚呀
人地講嘅，要聽；自己個心講嘅，更加要聽，只係聽是但一樣都唔好。最重要唔係聽唔聽，而係聽左之後，自己點諗、點用、同最後點做。
我諗,應該係可以聽,不過唔可以信晒...
follow your heart. - beryl
最緊要係,
唔傷害人,
自己開心
其他嘅野
大而化之啦!
(幾時食飯呀?)
上面果個係我黎架
無奇豬
beryl, 會啦...hahaha
無奇, 記住下個星期五呀!!
張貼留言