心血來潮好想寫呀寫
我係一個土生土長屋邨大既香港人，細個到大都係電視汁送飯。印象之中，屋企有人又唔係訓覺既時候，多數都開著電視機，我細個係誇張到開著教育電視做功課，係三年級睇六年級既教育電視喎!!唔好問我睇黎做咩，或者睇唔睇得明，我唔理，總之開著啦。
又記得好細個既時候，朝頭早係做粵語長片架...其實時裝既長片有d係幾好睇架...我有睇過寶珠姐既玉女添丁、另一套誰是兇手既戲，哈哈哈，有謝四哥，有當時仲係小朋友既馮寶寶，又有個著乾濕褸既烏龍探長，有冇人知果套係咩戲呀？
最近明珠台播返x files，一套我中學時代每個星期必追既劇集，其實我唔多鍾意d外星人劇情，我鍾意睇Mulder同Scully查d奇怪案，有一集講有好多人神秘失蹤，追查之下，發現有個人有鯊魚既genes，唔鍾意食牛肉、唔鍾意食豬肉、淨係鍾意食人肉...因為個texture最好味呀....yuck!!
但係我最鍾意睇既係Party of Five (入面既Charlie就係Lost入面既型男Jack) 同Felicity，不過呢兩套劇都唔係黃金時段做架，我諗係我呢d電視精先有睇啦。
日劇同韓劇比較少睇，因為我唔鍾意追字幕呀，係睇過「Love Generation」同「Hero」咋，台劇...梗係「流星花園」啦!
無線劇Top 10如下：
1. 射雕英雄傳 (翁美玲版)
2. 天師執位
3. 鹿鼎記 (劉華版)
4. 新紮師兄
5. 飛越十八層
6. 孖仔孖心肝
7. 逐個捉
8. 男親女愛
9. 淘氣雙子星
10. 衝上雲霄
唔難發現，我真係細細個已經係電視精啦
4 則留言:
由逐個捉、射雕英雄傳到衝上雲霄，都好廣泛喎，果然係資深電視精．
從你既心水，似乎你都幾鍾意以前既劇集喎．
我都鍾意睇新紮師兄、孖仔孖心肝．
而且我仲有他來自江湖，馬場大亨，大時代及棟篤神探．另外我仲有唔少日劇．．．
肥龍哥哥,
係呀...以前d電視劇真係好好睇架
而且我仲有他來自江湖，馬場大亨，大時代及棟篤神探...
他來自江湖=>唔知點解好似冇點睇到
馬場大亨=>ok啦
大時代=>講股票市場既運作,對當年既我黎講係好深奧架
棟篤神探=>類同男親女愛
1. 射雕英雄傳 (翁美玲版)>>>>我e+住係翁美玲對面間屋ar....
2. 天師執位>>>>只係記得首歌同埋ending
3. 鹿鼎記 (劉華版)>>>有乜理由, 肥娥做阿柯 ?
4. 新紮師兄>>>我記得睇第2集, 曾華倩死果陣, 梁朝偉既body language, 第一次見港產演員可以做仍o甘
5. 飛越十八層>>>>果陣, 你有冇小學ar ?
6. 孖仔孖心肝>>>唔識
7. 逐個捉>>>同執到寶有冇關係 ?
8. 男親女愛>>>>蔡少芬or dodo姐 ?
9. 淘氣雙子星>>>有阿paul丫ma, 一集都未睇過
10. 衝上雲霄>>>>震宇哥既飛機頭.....
篤篤篤撐:
1. 射雕英雄傳 (翁美玲版)>>>>我e+住係翁美玲對面間屋ar....
=> 買套dvd返屋企夜晚睇啦...實好有feel呀!
2. 天師執位>>>>只係記得首歌同埋ending
=> 呢套真係好好睇喎...
3. 鹿鼎記 (劉華版)>>>有乜理由, 肥娥做阿柯 ?
=> 娥姐好過朱茵啦我覺得...不過你又未必同意
4. 新紮師兄>>>我記得睇第2集, 曾華倩死果陣, 梁朝偉既body language, 第一次見港產演員可以做仍o甘
=> 我講緊第一集,劉青雲做有型'Fit 佬'呀
5. 飛越十八層>>>>果陣, 你有冇小學ar ?
=> 應該...冇
6. 孖仔孖心肝>>>唔識
=> 周星馳同劉青雲呀...快d買dvd啦
7. 逐個捉>>>同執到寶有冇關係 ?
=> 唔同架兩套,「逐個捉」係講一班人左去個島上面既古老大屋,跟住d人一個一個咁唔見左...細個覺得好詭秘架...
8. 男親女愛>>>>蔡少芬or dodo姐 ?
=> dodo姐
9. 淘氣雙子星>>>有阿paul丫ma, 一集都未睇過
=> 仲有李克勤喎
10. 衝上雲霄>>>>震宇哥既飛機頭.....
=> 呢套有d真實d既機場、航空公司operation睇嘛
張貼留言