澳門行

閏一秒

from yahoo news:

地球自轉慢 今年閏一秒

　　二○○八年的日子似乎因為金融海嘯而變得特別「難過」，有美國媒體報道，國際計時組織指出，將會在今年最後一日，增加一「閏秒」，在美國東部時間晚上十一時五十九分五十九秒時增加，主要是讓原子鐘與稍微放慢的地球轉動保持同步，對上一次要增加一秒，就是○五年的事。
　　美國媒體報道，「閏年」與「閏秒」情形相似，每隔幾年就要在原子計時鐘上增加一秒，以補足與地球自身旋轉時間的時差。據報道指出，從一九七二年開始，國際協議建立了時間標準，分別是世界時和原子時，由於地球的旋轉正在逐漸減慢，令在地球轉動為基礎的世界時有時會跟不上原子時，所以國際不時地增加閏秒，以保持世界時與原子時的一致，由國際地球自轉服務組織負責監控兩個時間體系的差異。
　　閏秒亦增加過幾次，每次相隔由六個月至七年不等，最近一次是在○五年十二月三十一日，今年在十二月三十一日晚上十一時五十九分五十九秒增加。由於今年二月二十九日已延長了一日，如果再加一秒，就是九二年以來最長一年。大部分手機供應商和電腦系統都是通過世界原子鐘進行系統檢查，自動更正時間增加一秒。


大部分手機供應商和電腦系統都是通過世界原子鐘進行系統檢查，自動更正時間增加一秒。 即係我部電話今年年尾會自動延長一秒先跳入09年？唔係嘛...咁先進??

呢段新聞，又令我諗起世界其他地方有分夏令、冬令時間，其實佢地點運作架？某月某日一齊"較"快或者"較"慢一個鐘？定係你有你"較"、我有我"較"？邊個決定幾時"較"個鐘呀？咁果d飛機升降呀、需要分分秒秒計得好準確果d人點算呀？無la la多左個鐘呀？咁咪好混亂？

又一年

2008 resolutions有：

身體健康......麻麻地啦，可能係年紀越黎越大，傷風感冒果d小毛病越黎越多
更愛自己......有
智慧有所增長......其實應該點去measure呢?!
親人、朋友、blogger都身體健康；生活愉快......應該都有
有一個我愛既人都一樣愛我...... ......
工作同生活取得更好的平衡......輸晒呀
take一個純粹為興趣既course...... ......
升職加人工......原來有講過呢樣架?!

一半都做唔到喎...
2009應該set一d容易achieve既目標

我的一二

1. cafe too好味呀，一班好朋友一齊，心情靚咩都好食啦！希望我地party of 8 好快湊夠一枱12個啦，yeah!
2. 每晚都見到媽咪
3. 聽日，又係一個新開始
4. 我鍾意自己個中文名呀
5. cm哥哥，我地幾時同肥龍karen一齊飲野呀?
6. 香噴噴既炸雞翼
7. 我都鍾意自己呀
8. 我知你一世都會咁關心我架，梁同學，話都冇咁快就十幾年...
9. my next adventure，希望係澳洲
10.快d凍d啦，唔該...等住著短裙呀


**各位英雄，呢度講既「一二」、係嚮zz小姐果邊睇到既「常想一二」，我同意呀，人生真係好大部份既時間都唔多開心，不過，『...至少還有一、二成是如意的、快樂的、辛慰的事情，我們如果要過快樂人生，就要常想那一、二成好事，這樣就會感到慶幸、懂的珍惜，不致被八九成的不如意所打倒了。』

以上既10項，都係一d我鍾意、諗起就會覺得窩心或者我look forward to 既事，諗起都開心架真係。

10月詭異二三事

今日返工行去搭火車時，嚮屋企附近見到一個陌生人
平日返工間中都會見到佢行相返方向返office
點知，今晚放工果時
嚮公司樓下又見到佢
又會咁巧合既？唔好話我知你嚮我公司附近住呀，大佬！
okok，我認既，係幾靚仔既，唔係點會認得呢，hahaha


行到銅鑼灣，眼前見到一個好熟口面既靚女喎...
邊度見過呢???
諗呀諗，佢咪就係我舊同事既新婚太太囉
之後先見到嚮美女身邊就係渡蜜月曬到黑晒既舊同事
可能因為已經天黑所以第一眼見唔到佢
有d唔好意思開口同呀同事打招呼...
hahaha
仲有一大發現，原來大師兄同佢真係有d似樣
一樣咁有型啦!!


真係唔明點解差唔多11月都仲係咁熱
更唔明點解30度街上有咁多女仔都已經著長靴行街shopping
中午30度都唔係講笑我著裙都好熱
著長靴我諗都幾焗
haha，我諗我真係大個嘞，過左細個愛靚唔愛命果d日子啦。。。

K9

我想問大家知唔知道身分證號碼既組合係點黎架呢?
係咪70年代出世既人都係K字頭架呢？
我知道好多同年既朋友，身分證開頭都係相同既組合－K9XXXXX

其中一個以前既朋友係K7

豬細佬嚮80年出世，佢身分證開頭係Z0

但係呢個formula又套唔到去我父母度喎
唔明白呀
後面果串數目字又點黎架呢?
點解最尾個數目字要有括號呢？
又會唔會有人身分證開頭唔係英文字母架呢？

唔公平呀!

大師兄唔公平呀!

嘿。。。

感動

卓小姐這篇讓我很感動

我常說，屋企人對我最重要

愛屋企人，也要找些好方法去愛

也問男厠

看到Elizza小姐這篇，我都有問題想請教各路英雄 ：

1.　觀乎大家既意見，用尿兜應該比廁格乾淨同暢快...咁，其實你地可唔可以坐低辦小事架呢？唔坐低，係不能，定不為呢？

2.　照計，用尿兜時候，站立既距離應該唔會好遠(因為d人成日笑d伯伯要「手禁」牆架嘛)，咁唔驚反彈到自己架咩？

3.　點解辦完小事之後，唔洗用tissue既你地？唔會唔衛生嗎？


同意Elizza小姐，男廁，真係女人心目中的一個大問號。。。

我係電視精

心血來潮好想寫呀寫

我係一個土生土長屋邨大既香港人，細個到大都係電視汁送飯。印象之中，屋企有人又唔係訓覺既時候，多數都開著電視機，我細個係誇張到開著教育電視做功課，係三年級睇六年級既教育電視喎!!唔好問我睇黎做咩，或者睇唔睇得明，我唔理，總之開著啦。

又記得好細個既時候，朝頭早係做粵語長片架...其實時裝既長片有d係幾好睇架...我有睇過寶珠姐既玉女添丁、另一套誰是兇手既戲，哈哈哈，有謝四哥，有當時仲係小朋友既馮寶寶，又有個著乾濕褸既烏龍探長，有冇人知果套係咩戲呀？

最近明珠台播返x files，一套我中學時代每個星期必追既劇集，其實我唔多鍾意d外星人劇情，我鍾意睇Mulder同Scully查d奇怪案，有一集講有好多人神秘失蹤，追查之下，發現有個人有鯊魚既genes，唔鍾意食牛肉、唔鍾意食豬肉、淨係鍾意食人肉...因為個texture最好味呀....yuck!!

但係我最鍾意睇既係Party of Five (入面既Charlie就係Lost入面既型男Jack) 同Felicity，不過呢兩套劇都唔係黃金時段做架，我諗係我呢d電視精先有睇啦。

日劇同韓劇比較少睇，因為我唔鍾意追字幕呀，係睇過「Love Generation」同「Hero」咋，台劇...梗係「流星花園」啦!

無線劇Top 10如下：
1. 射雕英雄傳 (翁美玲版)
2. 天師執位
3. 鹿鼎記 (劉華版)
4. 新紮師兄
5. 飛越十八層
6. 孖仔孖心肝
7. 逐個捉
8. 男親女愛
9. 淘氣雙子星
10. 衝上雲霄


唔難發現，我真係細細個已經係電視精啦

又係雜文

我很高興
身邊既人都愛護我
我只係個小小既 nobody

============================================

batman好睇呀
可惜結局有d sad
其實世界上都冇咩係perfect既
咁如果呀女主角靚d，呀雙面人又靚仔d，架蝙蝠車又靚d會好d囉...
heath ledger做得好呀真係...反而batman好似冇咩發揮
同埋d翻譯有d奇怪，點解Gotham City變左高譚市既?葛咸城順耳好多呀
仲有戲入面既香港個天唔夠清囉...

haha, this we really can't help it!!

============================================

睇完zz小姐呢篇，真係有d衝動想send張相俾佢呀...
冇架...我想知道佢同佢d朋友會點形容我嘛
係四尺唔夠；定八尺巨人
不過我都係見光死
所以...諗下算咯

寫寫寫

我其實唔叻寫野
我寫既爛文可以三頭兩個月唔update一次但係都有人咁神心每日click入去望一望
寫又寫d自己明人地唔明或者膚淺無聊野
平時淨係做cd-rom但係冇左又會問我攞返條link黎睇既朋友
唔開留言又搞到大家咁擔心係咁約食飯講爛gag講d讚美說話願意付出時間金錢耳朵
目的只係為左令我好過d開心返
對你地我真係充滿感激

請你地放心
我冇事
life goes on
我知道前面一定會更加好

仲有今日嚮地鐵見到一個好有型既男仔
雖然我依家已經唔記得左佢個樣不過唔重要
都算係一件好事所以都要寫低

我都一定得

大家都好似灰灰地咁,我就攞網友既一d睇法去借花敬佛啦:

"Let me tell you something you already know. The world ain't all sunshine and rainbows. It is a very mean and nasty place and it will beat you to your knees and keep you there permanently if you let it. You, me, or nobody is gonna hit as hard as life. But it ain't how hard you hit; it's about how hard you can get hit, and keep moving forward. How much you can take, and keep moving forward. That's how winning is done. Now, if you know what you're worth, then go out and get what you're worth. But you gotta be willing to take the hit, and not pointing fingers saying you ain't where you are because of him, or her, or anybody. Cowards do that and that ain't you. You're better than that!」 — by Rocky from AK

我地係工作、愛情、家庭,各方面都可能遇到挫折,跌低左，最緊要知道因為d咩而跌…之後再爬起身繼續打拼!!繼續努力!!我信!!大家都要加油呀!


係我自己寫既，我都一定得，一定一定!!

雜碎、幾段

上年年尾朋友因為家人出左意外,延遲左既婚禮終於順利完成,新娘漂亮不在話下,佢亦已經平復心情,踏入人生既一個新階段,衷心祝福一對新人白頭到老,夫妻和順。

近呢一年都認識唔少朋友準備或已經生小朋友,今年一。定。係。旺。生。仔。繼有大師兄兩位公子、表姐、公司同事、大學同學、老友剛出世既姪仔、我既step brother...全部都係仔!!!好野...如果呢個trend繼續落去...十幾廿年後...d女仔應該會好容易就搵到男朋友嘞...

至於旅行,完全達到晒去之前既目標,就係一個safe & relaxing,又managable既輕鬆之旅,今次好高興去左博物館同動物園,亦都去左一d好有趣既餐廳,邊個話台北冇咩好玩架?今次既旅程,亦再感受到台灣人既友善,路上遇到既人全部都非常熱心幫助他人,呢樣野...我地真係要多d學習。

點都唔落???

係咪即係imply左除左呢個series,其他全部都落呢?!?

風采遊記

環港皆島也。其南端一島，林壑尤美，望之蔚然而深秀者，南丫也。

山行六七里，漸聞人聲沸沸，而望之於路旁帳下者，阿婆豆腐花也。

峰迴路轉，有物翼然，臨於大嶺者，風采發電站也。建站者誰？香港電燈也。名之者誰？港燈命名比賽是也。

s-pig與友來遊於此，未飲先醉，而年又甚高，故自號曰「s-pig」(senior pig)也。s-pig之意不在酒，在乎山水之間也。山水之樂，得之心而寓之風采也。

完。
照片，嗚謝鍾姑娘。

P.S.這一篇是模仿北宋文學家歐陽修的《醉翁亭記》首段所寫，敬請留意。

party dress

5個月前度身既裙今日終於final fit完攞左返屋企
size完全冇問題冇多冇少條拉鍊可以上到頂
都幾靚呀!!

咁點解有d人次次見到我都話"你又瘦左呢?"
一人一句知唔知我會有壓力架??
我會開始懷疑係咪我真係食好少野?
定係我唔識得管理情緒心情唔好食幾多都背脊骨落??
我冇減肥冇節食冇唔開心連運動都冇做...
我連甲狀腺都check過,真係冇問題呀!
係唔生肉真係我都冇佢辦法架喎...

每個人既genes都唔同
唔一定要同大多數人一樣先算係正常架
總之我自我感覺良好,又唔係成日病

各位,有心啦!

多謝大師兄

多謝你既欣賞,
多謝你d啱聽既讚美說話,
多謝你肯花時間講左咁多野,仲有d無聊爛gag,
多謝你唔似其他人係咁push我放低,
多謝你話請我,
多謝你既關心,
多謝你d positive message,
多謝你對我既事咁上心,
多謝你真係幫我出左張機票,
多謝你做左一個咁好既role model

十個多謝都唔夠...

希望你快人一步,理想達到,
希望你會keep住一路都咁開心,
希望你個短期project會漂亮地完成,
希望你今年差少少就做到既野,出年一定會做到,
希望你餐餐都可以開懷大擦,唔洗就住就住

總之好多謝大師兄
同埋希望liverpool今晚會羸,你都想架,係咪? hahahaha

彩雲易散琉璃脆

2008 resolutions

今年既願望有：

身體健康、
更愛自己、
智慧有所增長、
親人、朋友、blogger都身體健康；生活愉快、
有一個我愛既人都一樣愛我、
工作同生活取得更好的平衡、
take一個純粹為興趣既course、
升職加人工

暫時係咁先啦...都唔算好貪心之麻...hehehe

亦祝各blogger都身體健康、諸事順利!