喊包

看到CK老闆這篇，我都好想問下自己，咁受氣為咩？

錢又唔算多，working hours又長，前途又唔係好睇到，老細又唔信你，以為成村人會跣佢，鬧到你飛起，想點呀？


又看到zz小姐的這篇，嘩，我真係忍唔住呀...

一對老人家的說話，幾年前我也跟以前的男友說過，不過我自私，當年已經講，我寧願自己走先，因為過左幾十年，我唔知一下子冇左佢，我一個人點去自己過日子。


今日俾人逼迫，都係唔寫嘞，唔想淨係當呢度出氣袋，寫親都係衰野，聽日訓醒一覺再算。

有冇bank leave架?

我諗要放返日假，去銀行先得嘞...

獅子銀行開M-F，9－5，我份工係M-F，9－6，lunch hour銀行條龍又長到好似細個返大陸過關咁，打晒蛇餅，我身家又得少少，怕且無可能做到priority客，我想換本存摺咋...by mail寄俾你得唔得呀？

獅子銀行你點做人民銀行呀？