好彩!

我都幾好彩...

2007年一半都未過，原來，我已經中左4次六合彩...yeah!!

hahaha,次次都係安慰獎咋...有幾千萬就唔洗做啦...



其實真係幾好彩，工作上雖然冇咩成就，不過我好清楚我絕對交足功課有餘...

其實唔只幾好彩，朋友個個都錫我，雖然，唔係人人都係朋友...

其實直頭係勁好彩，咁多年後，屋企個個都冇穿冇爛，冇病冇痛...

我覺得聽日應該慶祝一下，因為我真係覺得自己好好彩!!

好，加油!!

唔通連個天都唔鍾意我?!?

事件一:
電腦神神地：都係我自己衰既...個anti virus outdate左一段時間，一次我搵依家公司既I.T.同事幫手，呀Dr. Luk Wong 用VNR remote 幫我裝左個anti virus 之後，我個desktop就出現左幾個delete唔到,冇file extension,冇file creation date 既'file'啦,同時又間唔時hang機、hang IE、load得超慢呀咁...IT朋友叫我忍痛format呀...咁...我就算backup左d data，都唔識裝返晒d driver啦...所托非人，都係自己衰...

事件二:
換冷氣：間房個冷氣好嘈，嘈到俾隔離鄰舍投訴...咁就換左佢啦...歡天喜地等到呀冷氣師父黎到，佢話：
師父：「豬小姐，部冷氣差左二分位，要裝，就要將你個裝修拆落黎，呢度要收$150，另外唔包整返架噃...」
豬：「$150冇問題.....吓？！唔包整返?」(另加'O'咀一大個...)
師父：「係呀，你個裝修整到'tup tup陷'，裝新機一定要拆左個裝修架...個個師父都係咁架嘞...我地唔係做裝修...唔包整返架...」
豬:「ar.........」(咁唔通我換左部冷氣，就整爛度牆?)
ｘｘｘｘｘ
就係咁，兩個師父無奈地汗都冇流多滴就走左...新冷氣機原封不動一日之後送返走...而我，繼續每晚閞廳部冷氣訓...

事件三:
最大鑊，係我覺得對於工作，我團火，有d熄熄地...現實上，我係需要呢份好安定，support到我生活，我又master到既工作，但係，睇多三個markets，代表喺可見既未來，我會多左一半既workload，咁，為左減少我既壓力，我又會去返完全dup石仔既level...即係又可以返工唔洗帶腦啦...咁...工作又有咩意思呢?讀完個degree出黎社會做左幾年野，就係為左供樓？定係其實我可以做多一啲架呢? (有關我公司呢個萬花筒既人同事，以後再講...)

事件四:
最後，唔通我腳頭唔好？嗰頭開blog，嗰頭職場鬥獸棋話完就完，其他人又寫到差唔多咁...嘩，呢幾日又係咁落雨，天呀，唔係你都唔鍾意我呀？

我家狗狗

其實我呢期忙爆又黑仔...不過唔想第一篇正式post就寫生活點樣迫人，老細又點衰，加埋有d大腦麻痺...所以，都係post張靚女相先...


Samsara，佢就係我屋企既新成員，半歲既poodle bb嘞，屋企好耐都冇小惡霸嘞...嘩，狗狗依家勁得寵，細佬錫佢就唔在講，連以前話明唔鍾意養動物既媽咪都錫晒佢，訓著左俾佢跳上身度任行任'lum'都冇問題...大家入到屋既指定動作就係清理狗狗既大小同陪佢玩啦...hahaha....邊有狗聽到你叫佢就側起個頭眼定定望住你架...佢仲有d行路好似隻馬...平地跣腳個d搞笑野... hahaha.......

開張大吉

我轉場啦...

老土既原因，我部電腦中左毒，舊個邊post或者read comments就會hang左個IE呀...咁呢邊都有d我好欣賞既blogger，搬埋過黎好似親切d嘛...

等我摸熟d個setup，遲d整得靚d先...

我仲想，喺呢度，記低d開心美好既事，第時睇返，應該會好開心！