天氣太熱、冷氣太凍、
心情太差、工作太忙、
積勞成疾、借傷成病、
小病幾場、康復之中。
都係咁啦，冇事冇事...
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
在這邊...下筆(其實係按keyboard)時，很有壓力...
d blogger個個都咁勁，又好文采，諗野又夠logic，風趣幽默、抵死過癮、想像力豐富、見解精闢...咁其實，我下筆寫時，覺得自己睇野又好表面，又唔夠熱血，又唔夠關心社會，真係會即刻窒左架噃...分分鐘人地一個comment，長過、又有深度過我一個post...真係寫黎把鬼咩...
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
今日打風，早左幾粒鐘收工，難得清閒
雖然放工淨係過海都用左成個鐘，不過都好，唔洗趕頭趕命
返去hea下，同小狗玩一陣，早少少食飯，又早左d返黎，如果唔係都冇時間寫野...
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
又係要好感激周圍既有心人，我諗，佢地睇得出我情緒一d都唔高漲，木口木面咁，但係又冇俾壓力我，仲好體諒添...更加感激家中各人支持，成日等我等到成九點先一齊食飯，今個月應該會好d架嘞...放工我盡力早走啦...
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
師兄都幾搞笑，有一次食飯佢同另一個人話:「佢d咁既樣，應該識返個鬼佬啦...」
哈，咁其實我即係咩樣？咩樣先係識鬼佬樣呀？我一d都唔China doll架噃...
又真係...唔洗咁擔心我...住噃...未有耐到30唧，到左又點吖？係你既，遲早都會遇到...
我係冇拍拖，唔係冇拖拍呀！
不過，都多謝你地關心既！
不過，最好唔好次次見面都問一次啦...
12 則留言:
咁下次見面，係咪應該問：
拍成點呀？（哎呀，唔好掟番茄！）
**** （突然認真）
拿，認真d講，自己覺得做一個Blogger，最重要係令自己了解自己多d，否則，你寫到ung 有深度，ung 熱血，都不過一場虛幻。
（正如買股票，未到賣出既一刻等d錢入袋，其實不過紙面上的數字。你話係咪？）
「小病幾場、康復之中。」
咁保重呀! 另外壓力大, 燥底, 不如行個圈, 透吓氣. 咁工事呢, 長做長有, 無得走!
至於寫扑, 唔駛理咁多其他野, 最緊要好玩! 另外就真正如上面c.m.兄 (sorry 又抽c.m.兄你水^^)所講: 「認識自己」. 「自己」包括想法及價值觀. 而且呢個地盤係屬於你自己, 咁盡情去寫啦!
cm哥哥,
ha...如果有人咁問,我可能會答「同邊個先」...
關於寫blog...我都明白呀...所以咪update得好疏落囉!不過都有d題目諗左想寫既,你地等我呀...
肥龍哥哥,
我差唔好好返晒嘞,人越大,真係需要多d休息,呢排唔燥lu,係想拿拿聲做完d野快d返屋企食飯,早d抖,同埋想pick up 返打波呀,好耐冇打過嘞...
s-pig,
咁不如掉轉,拿拿聲做完d野去打波先,返屋企食飯,早d抖. 都ok架!＾＾
S-pig妹妹，
寫Blog...是否深度/熱血/幽默...etc etc etc，唔係最重要...反而係...你希望呈現既，係你自己，定係你製造出黎既自己...
最緊要係開開心心…咁到時人人都鐘意你！
p.s 小心身體！
你自己係點咪就點囉。^^
龍哥,
放工打完波返屋企先食飯,屋企人要等到成十點架...唔得呀,豬媽媽要早起身,都係weekend時間比較好就...
ak哥哥,
大駕光臨,蓬蓬璧生輝!
你講既,我都明白,我都係希望,我手寫我心啦...同埋我又知道,有d野,係扮唔到架囉...所以,d高深野...我都係寫唔出架啦...你都係預左黎到呢個地盤,會睇到d無謂野架咋...hehehe (好似寫定個disclaimer咁, haha!)
郡主殿下,
多謝關心!大家咁話!呢排d天氣真係反常到爆,又熱到飛起,你都要好好保重!!
小豬姐姐,
係呀,諗黎諗去,結果咩都寫唔出,都係唔好諗太多,想寫就寫!
張貼留言